| القطـــ مرفوع ا...'s profileالقطــــــــ سنفور مغرور...PhotosBlogLists |  Tools  Help |
|
May 10 فكه خلصنا الأمتحاناتهلا وغلا
افف الصراحة مابغينا نخلص صج ان الايام كانت تركض بس هم الامتحانات غير بس انا ماقصرت ما خليت امتحان يعتب علي الا وغشيت فيه حتى الشرعيه ماسلم مني وكان يوم امتحان الشرعيه المراقب علينا استاذنا الشرعية و واحد ثاني لما جا الأستاذ قالي ارجع ورا قلت له يا استاذ هو اللي لازق فيني قال انت ارجع وهو يقدم وانا صادق لما دخلت اللجنة كان هو اللي مظبط المكان بس شسوي رجعت وهو قدم عاد مو في اخر نص الوقت يقولون راجعو وخرابيط هنا تصير هذرة وسوالف انا وياه نستغل الفرصه هذي من اولها لين آخرها نقوم نراجع فلان الصفحة الفلانية السؤال الفلاني وينقلني انا ان شفت الأجابة صح اقول له صح يقوم هو يقولي الصفحة الفلانية كاملة واقوم انقلة لين الله يفرجها عاد في واحد من العيال كان وراه واحد مصري يغششه ويغشش الكل قمت انا اشرت للولد ( في امتحان الأنجليزي) عبدو الصفحة الثانية دواير من واحد لين اربع انا الأجابة الأولى ماعرفتها قعد يأشر لي انا مافهمت قام اشر كيبورد فهمت ساعتها وبعز الأمتحان رن تلفون واحد من العيال وهو داخل جيبه الغبي ماحطه على صامت او على اي شي ويرن كل اللي بالجنة طالعو لي على بالهم الصوت مني وهم مستغربين وجا يفتشني المراقب وانا اقوله مو انا ..مو انا .. واقوم اصرخ بوجهه شفيك بس تبي تصيد اي شي علي انا هذاك تلفوني وكانك مو مصدك خلني ارووح افتحه وبيطلع الباسوورد حقه بكتبه وبيفتح التلفون هنا حس انه غلط وضيع من وقتي قالي عجل منهو قلت هالحبيب اللي جدامك وهذاك طلع تلفونه بالغصب وبعد كان حاطه في مكان محد يطري عليه حاطة بالضاغط وكانت رجله تعوره قال ياستاذ انا فيني وفيني وفيني قال المراقب فيك ولا مافيك سكرة وحطة عند الجوالات ولا انادي الوكيل وانت تعرف الوكيل زين سيده تعهد ولا شي واذا كلش كلش يقطك في ابعد مدرسة بقطر واذا كانت وياك معاه ميانات يوديك دخان وانت في ام صلال الصوب الثاني من قطر .
والحمد لله خلصت الأمتحانات والعيال نفذوا المخطط اللي كان ضد الوكيل (هذا محد يدانيه بالمدرسة لأنه نظامي وحنا كنا قبل مستانسين لأن كان عندنا وكيل طيب وكل ماصارت مشكله ودني الوكيل الفلاني الحين الأستادية يخوفونا فيه لأنه اقل شي تعهد ولا استدعاء ولي امر وهذا خل اقوى عيال المدرسة يصيح قدامه عشان مايسوي له استدعاء ولي امر وتعهد من ولي الأمر وهنا كل العيال لين يومنا هذا نستهزئ بالولد هذا اللي شاف نفسه علينا) المهم قمنا شسوينا فيه 1- نسمنا تواير سيارته 2-شخبطنا على الجامات وحاولو العيال يكسرون المساحات كلها بس ماقدرو 3-مدري من الحبيب اللي كان بيكسر الجامة الورانيه حقت سيارة الوكيل بحصى قامت ضربت سيارة استاذ وانكسرت بس الولد بعد عدة محاولاات قدر يكسر الجامة 4-انا كنت بسوي حركة بس خفت انها ماتظبط وهي امسك كم قلم مزيل واقعد على اللوحة القدامية بما انه مارايقدر يشوفها من طريقة صفة السيارة اقوم امسح بالمزيل كم رقم واخلي رقم السيارة مميز بس رفيقي قال ابعد عن الشر وغني له 5-انا اوني(عادني) كاسر خاطري قلت للعيال عيب موزين كذا شلون بيروح بيتهم وانا بداخلي خخخخخخخخخخخخخخخخخ رفيقي وهو يصور فيديو بتلفونه لف علي طالعني بنظرة ايه معليه 6-بعد ماراحت الباصات رحنا انا وخويي قلنا اننا نسينا شي داخل المدرسة قمنا قلنا للوكيل ان سيارته راحت فيها واننا لو انقوله مابيصدق عشان مايقول كذابين خليناه يشوف المنظر مع السيارة عاد هنا العيال قالو لنا صج حمير ليه قلتو له وليه وليه وليه قلنا حنا ماقلنا له شي ابد بس دخلنا نجيب فلان اخو فلان وقلنا له السالفة هو فقع من الضحك سمع الوكيل لضحك وقال شسالفة اخوك قال فيه سيارة كذا نوعها قالو لي انها تكسرت وروني البلوتوث شلون انقلبت السيارة وراحت فيها على الطريق حرااام تروح كذا الوكيل طالعه بنظرة ماتفشلت من السالفة اللي انت قايلها .
عاد حنا اول ماخلصنا ورحنا للسيارة قالي رفيقي انا نزلوني عند الجمعيه و قالي واحد ثاني تبي توديني مطعم كيما كيك تبي توديني البيت بعد كيفك وانا فهت التلميحة قلت البيت احسن ونزلنا الولد ذاك عند الجمعية وديت ذاك لبيتهم والسالفة اللي صارت اقولكم اياها بعدين
يلا مع السلامة كفاية لحد هنا عورت راسكم
Comments (2)
TrackbacksThe trackback URL for this entry is: http://alqatari.spaces.live.com/blog/cns!328631E3FEE6961B!265.trak Weblogs that reference this entry
|
|
|
